|
| |
La web de PulsuLand y el Club de Llucha Lancia quier deseyavos un Bon Nadal y un prestosu añu 2007
|
Pica p'agrandare
|
Antonio González,Toñín, competidor del Club Lancia, sufre un grave acidente de trabayu |
L'acidente acontecíu na empresa que trabaya, na que'l desplome d'una plancha metálica de 2000 kg destrozóu-y la manzorga. Tuvu l'abonda axilidá pa escapare, ya que s'atopaba xustu baixu eilla y algamóu salir a tiempu, anque la sua manzorga quedóu atrapada.
El tiempu de baixa y recuperación sedrá d'unos 5 ou 6 meses, fasta finales de Xineiru. |
Modificación de normativa 2007 |
 Cumu ca dous años venimos faciendu, n'Avientu de 2006 fadremos un aconceyamientu de los competidores de la lliga 2007.
Tolos interesaos n'esponere idegas ou n'intentare reutificar errores ou camudare reglas de la lliga deberán presentare pur escritu enantes d'Avientu y 1 la sua ponencia na sede del Club Lancia:
Avda Villa de Lil nu.44 1u A
24210 Mansiella Las Mulas (Llión)
L'aconceyamientu tendrá llugar el sábadu Avientu y 9, el llugar inda ta pur determinare.
A partir de 2008 l'entamu de la lliga y los torneos oficiales llevaralos a fin l'Asociación Llïonesa de Llucha de Brazos. |
| L'Asociación País Llïonés de Llucha de Brazos, yá ta fundada |
 N'Agostu y 31 fundóuse l'Asociación del País Llïonés de Llucha de Brazos, cun sede en Llion.
La sua xunta direutiva ta compuesta pulos sigientes miembros:
Presidente: Adrianu Martín (Ponferrada, El Bierzu - Llión)
Vicepresidente: Nandu Sánchez (Las Arribes, Salamanca)
Secretariu: Carlos E. Fernández (Mansiella, Llión)
Ayalgeiru: Rubén Castro (Coyanza, Llión)
Vocal de Zamora y Afiliación: Carlos Pascual (Castrugonzalu, Zamora)
Vocal del Comité de Competición: Alberto Rodríguez (Mansiella, Llión)
Vocal d'Alministración: Elena Blanco (Mansiella, Llión)
Vocal de Llébana y Comité de Competición: Pablo Guardo (Potes, Cantabria)
Vocal de los Melgares-Mayorga: Jose Luis Velado (Valdunquillo, Valladolid)
D'ente las suas autividaes, ha de destacase la promoción de la llucha de brazos en tol territoriu del País Llïonés, la organización anual del tornéu interprovincial, y a lu menos ca dous años campionatos provinciales, asina cumu'l comarcal d'El Bierzu y el de la comarca de La Llébana.
Pa eillu buscaránse deillos patrocinadores nas cuatru provincias y nas comarcas adheridas. |
|
